Shalawat/Pupujian

Nabi Urang Sarerea

Rama Nabi kacaturkeun

Pupusna kacaritakeun

Basa Nabi dibobotkeun

Dua sasih kaunggelkeun

Keur lima taun yuswana

Ditinggal pupus ibuna

Tuluy dirawat eyangna

Abdul mutolib asmana

Sabada wafat eyangna

Nabi dirawat uwana

Abi tolib kakasihna

Saderek teges ramana

Kanjeng Nabi sering pisan

Dicandak kanagara Syam

Sok nyandak barang dagangan

Di dinya teh pajeng pisan

Kacatur di eta nagri

Loba pandita Yahudi

Sarta pandita Nasrani

Nu tepang jeung kanjeung Nabi

Sadayana sasauran

Ieu jalma mo nyalahan

Pinabieun ahir jaman

Toret Injil geus ngibeuran

Sipat Nabi panganggeusan

Aya di anjeuna pisan

Harita loba nu iman

Ka Nabi ngangkeun panutan